04 03/2024
“Шударга өрсөлдөөн, хэрэглэгчийн төлөө газар”-аас ирүүлсэн саналын дагуу Скайтел компани телефон яриаг секундын алхамаар төлбөр тооцдог “Хором” шинэ үйлчилгээг “Хэрэглэгчийн өдөр”-өөр буюу 3-р сарын 15-наас эхлэн зах зээлд гаргалаа. Харилцаа Холбооны Зохицуулах Хорооны шийдвэрийг үндэслэн сүлжээ харгалзахгүй 3 секунд тутамд 5 төгрөгний тарифыг мөрдөх бөгөөд эрхэм хэрэглэгч та энэхүү үйлчилгээг авахыг хүсвэл өөрийн биеэр цахим үнэмлэхтэйгээ үйлчилгээний салбаруудад ирж гэрээ байгуулаарай.
“Хором” үйлчилгээ нь ярианы үргэлжлэх хугацаа минутаас хэтэрсэн ч шинэчлэгдсэн секундын алхмаараа тооцогдох тул 1 залгалтаар харьцангуй богино хугацааны яриа хийдэг хэрэглэгчдэд илүү тохиромжтой юм. Жишээ нь таны дансны үлдэгдэл мессэж бичих 5 төгрөгтэй үлдсэн байсан ч 1 удаа 3 хүртэл секундын яриа хийх боломжтой гэж ойлгож болно. “Хором” үйлчилгээг сонгосон тохиолдолд таны одоогийн ашиглаж буй нэмэлт үйлчилгээ болон урамшууллын эрхүүд өөрчлөгдөхгүйгээс гадна дансны хэмжээ ч мөн хэвээр хадгалагдана. Хором үйлчилгээний давуу тал:
- Секунд бүрийг тооцох боломжтой
- Зардлаа хянах боломжтой
- Хэрэглэгч сонголт хийх боломжтой
Дэлгэрэнгүй мэдээллийг 1515, 319191 лавлах дугаараас аваарай.
СКАЙТЕЛ ГРУПП
04 03/2024
01 02/2024
16 01/2024